Author: Happy Grower

Posted on by

SNAP Hydroponics Training 2022 Schedule sa IPB-UPLB

IPB logo sa IPB, UPLB.

Ang SNAP Hydroponics Training ay opisyal nang nagbabalik ngayong 2022. Ito ang face-to-face na training tungkol sa hydroponic vegetable production sa IPB, UPLB. Ito lang ang training na magbibigay ng pagkakataon sa mga nagsanay na maging isang SNAP Accredited/Authorized Reseller. Hands on, hitik sa impormasyon at kumpleto ang mga materyales. Matitiyak ang kumpyansang kaya ng nagsanay na bumuo at magpatakbo ng sariling SNAP Hydroponics system.

SNAP Hydroponics Training Schedule 2022

Mangyaring mag-subscribe sa Happy Grower’s Channel para sa mga pinakabagong video na tatalakay sa mga bagay na dapat ninyong asahan mula sa training at mga sagot sa mga malimit na tanong ukol sa training.

Wala na po si Doc Boy ngayon sa training dahil nagretiro na po siya matapos ang mabahang panahon ng serbisyo para sa Bayan. May recordings po ako mula sa training ko noong 2018, nung nagtuturo pa si Doc Boy, at palagay ko’y panahon na para akin itong i-review at ibahagi sa inyo.

snap training sa ipb noong 2018
SNAP Hydroponics Training sa IPB noong 2018

Sulit talaga yung training. Kung meron po kayong mga tanong tungkol sa training na ito huwag po kayong mag-atubiling kontakin ako sa:

SNAP Hydroponics Growers Facebook Group:
Happy Grower’s YouTube Community
Happy Grower’s Channel Facebook Community


Yun lang po sa ngayon. Happy growing!

Posted on by

IPB-SNAP Authorized Resellers 2021

Updeyted na listahan accredited resellers para sa taong 2021.

MJ Garden Hydroponics and Gardening Supplies

0427881496
Brgy. Mabini
Gumaca, Quezon 4307

Arneth Agrimarts

arnethagrimats@gmail..com
0908-811-2291
0908-811-2294
Gibanga
Sariaya, Quezon

Snaponika Hydroponic Farm

0908-820-9327
Brgy. Putatan
Multinlupa, NCR

Alexie Lily Farm Enterprise

hydrogreensph@gmail.com
0932-427-3828
Mandarin Homes
GMA Cavite

Vince Hydroponic Garden

0910-750-9496
Daet, Camarines Norte

Mai-Space Hydroponic Garden Supply

0956-890-9670
0939-739-7823
Buhay na Tubig
Imus, Cavite

DK Design Architectural & Engineering Service

0933-812-2180
0933-812-2177
P. Niogan
Mabini, Batangas

Artist Yard Plant Propagation

0917-760-8478
Paciano Rizal
Bay, Laguna

Snapryde Transport Services

0939-926-1610
San Jose
Quezon, NCR

Hydroponics Garden Supply

supplies.hydroponicsgarden@gmail.com
0915-335-1983
0947-105-4168
Brgy. Sala
Cabuyao, Laguna

CIN Hardware

0906-247-0237
Circumferential Road
Brgy. D S Garcia
Cabanatuan, Nueva Ecija

R. Revelar Hydroponic Farm

0910-422-7518
Ilayang Iyam
Lucena City, Quezon

Hearticulture Hydroponics and Halamans Online Shop

0906-206-4851
Parañaque, NCR

4G – Benz Garden Materials Trading

0939-767-6884
Taguig, NCR

Leanards Hydroponics Wholesaling

0915-153-5418
Commonwealth
Quezon City, NCR

Vazquez Gravel and Sand Inc.

0917-559-7777
Quiapo
Manila, NCR

GCCV Trading

Brgy. San Vicente Diliman
Quezon City, NCR

Source: SNAP Hydroponics by UPLB IPB

Posted on by

Mga Opisyal na Anunsyo at Pahayag Mula sa SNAP Commercialization Project

IPB SNAP Hydroponics cover photo.

Ang SNAP Commercialization Project ay naglabas ng dokumento noong 17 Mayo 2021 na naglalaman ng opisyal na mga anunsiyo at mga pahayag na bunga ng isinagawang pagpupulong gamit ang Zoom ng mga SNAP Authorized Resellers na nangyari noong 7 Mayo 2021. Nakalista dito ang mga opisyal na tugon ng proyekto sa ilang mga isyung may kinalaman sa SNAP Nutrient Solution.

Bakit iba ang presyo ng SNAP Nutrient Solution kumpara sa ibang hydroponics nutrient solution sa merkado?

Isyu Bilang 1: Ang pagkakaiba ng pambentahang presyo ng SNAP solution kumpara sa ibang hydroponics nutrient solution sa merkado

Opisyal na Pahayag: Hindi tulad ng ibang hydroponic solutions sa merkado na gumagamit ng “Master Blend” bilang background component, ang SNAP Hydroponics Solutions (SNAP HS) ay may natatanging kombinasyon ng kemikal na compounds, dahilan kung bakit ang nagreresultang nutrient solution (NutSol) sa paghahalo ng tubig at SNAP HS ay mayroon nang pH na nasa angkop na range (5.5-6.5), kaya hindi na kailangang dagdagan pa ng pH-Up o pH-Down compounds ang NutSol. Dagdag pa rito, ang Total Dissolved Solids (TDS) ay pumapatak rin sa ankop na range. Higit pa rito, ang natatanging kombinasyon ng compounds sa SNAP HS ay nagreresulta sa stabilized na pH ng NutSol kahit matapos gamitin ng  lumalaking pananim ang karamihan ng nutrients mula sa growing solution, kaya sa muli, hindi na kailangang regular na bantayan ang pH. Kaya naman kalimitang binabansagang “set-and-forget” na teknoholiya ang SNAP hydroponics.

Isa pa, ang management ng SNAP Project ay kasalukuyang nasa proseso ng paghahanap ng mas mura ngunit dekalidad na reagents na magagamit bilang pamalit sa ilang kemika na compounds na ginagamit sa paggawa ng SNAP HS upang lalo pang mapababa ang presyo nito.

Gaano kababa maibebenta ang SNAP Nutrient Solution?

Isyu Bilang 2: Presensiya ng ‘di patas ‘di  magandang kompetisyon sa mga resellers kaugnay ng pag-aalok ng pinakamababang presyo sa merkado na nagbibigay ng ‘di nararapat na desbentaha sa mga kapwa Reseller.

Opisyal na Pahayag: Batay sa napagkasunduan sa meeting ng mga resellers sa Zoom meeting na isinagawa noong 7 Mayo, simula 16 Mayo ng taong ito, ang pinakamababang sagarang presyo na Php 295 sa kada pares ng SNAP solution ay papairalin ng mga SNAP Resellers. Gayun din, ang nakaraang memorandum mula sa SNAP Management na nagpapairal ng pinakamataas na presyo  ng SNAP solution ay pinapawalang bisa.

Tinatanggap pa rin ba ang walk-in buyers sa National Seed Foundation?

Isyu Bilang 3: Pagpayag sa mga walk-in buyers na bumili ng SNAP HS

Opisyal na Pahayag: Ang walk-in buyers ng SNAP solution ay tatanggapin lamang hanggang sa katapusan ng Mayo ng taong ito. Makalipas ito, ang pagbili ng SNAP solution ay magagawa lamang sa Accredited Resellers. Ngunit, hindi kabilang sa polisiyang ito ang mga kawani ng Pamahalaan at mga studyante na gagamit ng SNAP Nutrients para sa pagsasaliksik.

Pinapayagan bang magtinda ng ibang tatak ng hydroponic solution ang SNAP Authorized Resellers?

Isyu Bilang 4: Patungkol sa kung ang mga resellers ng SNAP solution ay pinapayagang mag-resell ng ibang mga tatak ng hydroponic solution.

Opisyal na Pahayag: Sa kawalan ng umiiral na kasunduang indibidwal na pagka-ekskusibo, ang mga Resellers ng SNAP solution ay pinapayagang magtinda ng ibang mga tatak ng hydroponic solutions.

Ang mga SNAP Authorized Resellers ba ay pinapayagang magkaroon ng dealers na nagtatrabaho para sa kanila?

Isyu Bilang 5: Impormasyon tungkol sa mga dealers ng Resellers.

Opisyal na Pahayag: Kung ang mga resellers ay may mga dealers sa nagtatrabaho para sa kanila, sila ay pinapakiusapang ipa-fill out ang Google Form na inilaan ng SNAP Management.

Ang paggamit ba ng plant boosters at mga tulad nito ay makapagpapabuti ng mga pananim na pinapalaki sa SNAP Hydroponics?

Isyu Bilang 6: Ang paggamit ng (mga) produkto sa hydroponic culture bukod sa SNAP solution gaya ng paggamit ng plant booster, atbp. na maaring may epekto sa bisa ng SNAP solution.

Opisyal na Pahayag: Ang paggamit ng SNAP solution at tubig ay sapat na upang makagawa ng magandang pananim. Dahil dito, ang pagdagdag ng iba pang component(s) sa SNAP nutrient solution (NutSol) ay siguradong makapagbabago ng orihinal nitong katangian at bisa, i.e. pH na nasa wastong range at ‘di nagbabago sa growing period ng pananim. Dahil dito, ang SNAP management ay walang pananagutan sa kung anumang kahihinatnan ng pagdadagdag ng compound(s) na ito sa SNAP NutSol. Gayun pa man, iba ang kaso kung ang plant booster o ibang pang karagdagang kemikal ay ii-spray sa mga dahon ng pananim.

Saan ko makikita ang listahan ng SNAP Authorized Resellers?

Isyu Bilang 8: Identipikasyon ng mga Accredited Resellers

Opisyal na Pahayag: Pagkalipas ng deadline ng pagpasa ng mga rekisito, ang SNAP management ay mag-iisyu ng sertipikasyon sa mga Accredited Resellers na nakakumpleto ng requirements, at ipo-post ang listahan ng mga bagong Accredited Resellers para sa taong 2021-2020 sa FB Page. Ang mga dating resellers na hindi makakaayon sa mga rekesito ay pansamantalang aalisin sa listahan hanggang kanilang mapunan ang lahat ng mga rekesito.

Pagsasalin ng Official Announcements/ Statements as results of May 7 Zoom Meeting with Resellers.

Posted on by

Paano Naiiba ang SNAP Nutrients sa Ibang Hydroponic Nutrient Solution?

Pare ng mga bote gn SNAP katabi ng salansan ng seedling plugs at grow boxes.

Lilinawin natin kung paano naiiba ang SNAP nutrients sa ibang hydroponic nutrient solution sa merkado.

Maraming mga lokal at imported na tatak at pormulasyon ng hydroponics nutrient ngayon sa merkado dala na rin ng tuloy-tuloy na pagtaas ng popularidad ng hydroponics sa mga nagdaang taon. Subalit hindi lahat ng ito nga ito ay pare-pareho. Nakalista sa baba ang kung paano natatangi ang SNAP nutrients kumpara sa ibang nutrient solution.

Bago natin talakayin ang mga ito, atin munang balikan ang ilan sa mga kaalamang mahalagang isaalang-alang sa pagpapalaki ng halaman gamit ang hydroponics.

Mineral Nutrient Solution para sa Hydroponics

Ito ang puso ng mga sistemang hydroponics. Ang mineral nutrient solution, tinatawag ring “nutrient solution”, “nutrients”, “nutsol”, ay dinadagdag sa tubig na sinusuplay sa ugat ng mga halamang pinapalaki sa hydroponics. Ito ang nagsusuplay ng nutrients na kailangan ng mga halaman para lumaki. Ang tamang timpla at mataas na kalidad ng nutrient solution ay mahalaga upang magkaroon ng magandang resulta ang pagpapalaki ng halaman gamit ang hydroponics.

pH ng Nutrient Solution

Ang pH ay iskalang ginagamit upang tukuyin ang acidity at basicity ng solution. Ang pH ay maaring magkaroon ng sukat na 0 (zero) hanggang 14. Ang mga solution na may pH na 7 ay tinuturing na neutral—hindi acidic at hindi rin basic.

Upang ma-absorb ng halaman ang nutrients na nasa nutrient solution mahalaga na nasa tamang nibél ang pH ng solution. Sa hydroponics ito ay tipikal na nasa range na 5.5-6.5 sa pangkalahatan. Ang iba’t ibang halaman ay may kanya-kanyang optimal na pH range.

Tsart kung saan nakalista ang pH levels at iba?t ibang nutrients.
Tsart na nagpapakita ng nutrient uptake batay sa pH. Ang pinakaangkop na pH para sa paglaki ng halaman ay nasa pH 5.5-6.5.

Habang ina-absorb ng halaman ang nutrients mula sa nutrient solution, magbabago ang pH nito. Kapag nawala sa tamang range ang pH ng nutrient solution hindi ma-a-absorb ng mga ugat ang nutrients kahit ito ay may sapat na dami pa sa nutrient solution. Napakahalaga na mapanatiling nasa tamang range ang pH ng nutrient solution.

Dekalidad ang SNAP Nutrient Solution for Hydroponics

Noon pang 1999 ang SNAP nutrients. Matagal nang sinasaliksik at patuloy na pinapahusay ang pormulasyon ng SNAP nutrients ng mga siyentipiko ng IPB-UPLB.

‘Di gaya ng ibang nutrient solution na may magkaibang ibang ratio ng nutrient solution para sa madahon at namumungang halaman, ang mahusay na calibration ng SNAP nutrients ay nagbibigay-daan upang magamit ang nag-iisang ratio ng nutrient solution para sa maraming klase ng madahon at mamumungang halaman. Bukod pa rito, ang isa sa pinakamahalagang katangian ng SNAP nutrients ay ang high buffering capacity nito. Ito ay nagbibigay sa SNAP ng kakayahang ma-stabilize ang pH ng nutrient solution.

May Kakayahang Mag-stalibilize ng pH ang SNAP

Dahil high buffering capacity ng SNAP, napipigilan nito ang pagbaba ng pH ng nutrient solution na nagiging daan upang magamit ng nutrient solution nang higit sa isang buwan ng hindi ito pinapalitan o ina-adjust. Ayon sa opisyal na pahayag ng IPB-UPLB:

Sa lahat ng extension materials at mga aktibidad na may kaugnayan sa SNAP HYDROPONICS ang mga may akda/imbentor: Mr. Primitivo Jose A. Santos at Eureka Teresa M. Ocampo ay laging pinapahayag na, …”Di tulad ng ibang nutriyent solusyon sa merkado na nangagailangan ng palagiang pag-monitor ng pH upang itama ang mabilis na pagbaba ng pH, ang paggamit ng SNAP nutriyent solusyon ay nagbabawas ng monitoring dahil sa high buffering capacity nito (pinipigilan ang pagbaba ng pH). Ang natataninging katangian ng SNAP nutriyent solusyon na ito ang nagbibigay-daan upang magamit ang nutriyent solusyon sa sistemang hydroponics nang mahigit sa isang buwan na hindi pinapalitan ang solusyon na ginagamit sa sistema.”

Inisyu ang pahayag upang magamit sa anumang paggagamitan nito. Salamat.

SNAP Commercialization Project , Statement on the pH-stabilizing capability of SNAP (pagsasalin), 18 Pebrero 2021

May Mahusay na Safety Record

Sa mahigit na 20 taon na paggamit ng mga hydroponics grower ng SNAP nutrients wala pang naiiulat na anumang insedente na may kinalaman sa paggamit ng SNAP nutrients. Ito ay sumusuporta sa pagiging ligtas ng SNAP Hydroponics at sa hydroponics sa pangkalahatan.

Bukod pa rito, ang SNAP ay mayroong kalakip na Materials Safety Data Sheet mula noon hanggang ngayon. Ito ay nagkalaman ng mga importanteng impormasyong pangkaligtasan ukol sa SNAP nutrients.

Konklusyon

Natatangi ang SNAP Nutrient Solution for Hydroponics sa mga hydroponic nutrient solution na mabibili ngayon sa merkado ng Pilipinas. Ito ay may mga katangian na ginagawang madali ang pagpapakaki ng halaman sa hydroponics. Ito ay bunga ng mahigit sa 20 taon na pagsasaliksik ng mga siyentipiko. At higit sa lahat ito ay mahaba at mahusay na safety record.

Posted on by

Nagbago ang kulay ng SNAP Hydroponics Nutrients

Two pairs of SNAP bottles showing difference in color.

Ang kulay ng SNAP Hydroponics nutrients ay nag-iba sa pinakabagong batch ng produksiyon ng SNAP Nutrient Solution for Hydroponics mula sa IPB-UPLB. Dati, ang SNAP A ay klaro at and SNAP B ay may pagkamadilaw. Sa pinakabagong batches, ang SNAP A ay may madilaw at may pagka-brown na tínte at ang SNAP B naman ay napanatili ang pagkamadilaw na tínte nito. Ayon sa opisyal na pahayag mula sa IPB-UPLB ang kulay ng SNAP Hydroponics nutrients ay nag-iba dahil ang karaniwang brand na kanilang ginagamit para gawin ang nutrients ay walang stock at kinailangang palitan ng ibang brand ng kaparehong kemikal (mga sagot sa chemical safety concerns).

Nabago ba ng Nag-ibang kulay ang pagka-epektibo ng SNAP?

Dagdag ng IPB-UPLB na ang pagka-epektibo ng SNAP A ay hindi nabawsan ng pagbabagong ito. Sa katunayan, ang pinalitang sangkap ay mas mahal pero mas maganda ang kalidad.

Pinagsamang imahen ng lumang batch ng SNAP at bagong batch ng SNAP.
Screen capture ng post mula sa opisyal na Facebook Page ng SNAP kung saan pinapaalam sa mga tagatangkilik ang pagbabago ng kulay.
Posted on by

Binagong SNAP Setup para sa Pagpapalaki ng Letsugas sa Tag-init

Modified SNAP system with twelve seedling plugs arranged in each grow box.

Letsugas at ang Temperatura Tuwing Tag-init

Ang letsugas ay karaniwang lulamaki sa mga temperatura na may mababang temperatura. Ang mataas na temperatura ay nagpapaaga ng kanilang pamumulaklak at pagpait. Sa tropikal na kapaligran ng Pilipinas ang letsugas ay matagumpay na napalalaki gamit ang hydroponics. Ito ay dahil kahit mataas ang temperatura na nagpapaigsi ng kanilang vegetative period, pinapabilis ng hydroponics ang kanilang paglaki sa maikling vegetative windows na ito na nagreresulta sa pag-abot nila sa nabebentang laki bago pa sila lumipat sa kanilang flowering stage at pumait. Subalit, ang mga buwan ng tag-init ay maaring sobrang maparusa at sa maraming lugar ang SNAP Hydroponics growers ay kailangang gamitin ang kanilang pagkamalikhain upang labanan ang sangit ng tag-init.

5-araw na pagtaya ng panahon sa tag-init para sa Kalakhang Maynila mula sa pambungad na pahina ng PAGASA.
Summertime 5-day weather outlook for Metro Manila

Syempre pa ang pinakamalaking problemang naeenkwentro ng nagha-hydroponics sa tag-init ay ang init. Kayang-kayang lumampas ng 35°C (90°F) ang temperatura ng paligid. Bagama’t marami sa mga halaman ay kayang lampasan ang ganitong temperatura, ang mga halamang lumalaki sa hydroponics ay maaaring pumalpak dahil dito. Malaki ang epekto ng temperatura ng nutriyent solusyon sa paglaki halaman sa hydroponics. Ang mataaas na temperatura ay nagpapaunti ng dissolved oxygen sa solusyon. Naapektohan rin nito ang ibang biyolohikal na proseso sa root system na nagreresulta sa pakauntol ng paglaki at maging ang pagkasira ng pananim.

Isa pang problema tuwing tag-init ay ang matinding sikat ng araw. Ang lakas ng sikat ng araw ay sobrang taas tuwing tag-init na kayang-kaya nitong tumagos sa mga kahon ng styrofoam at binubuhay ang lumot sa nutriyent solusyon. Isyu ito dahil ginagamit ng lumot ang mga sustansya mula sa solusyon.

Ang Binagong Sistema

Binahagi ni Sir Robert Iglesia ng Farm in the City ng Gumaca, Quezon ang kanyang paraan ng pagpapalaki ng letsugas sa mga buwan ng tag-init gamit ang mga materyales na ginagamit sa batayang SNAP Hydroponics setup.

Ang paraan na ito ay gumagamit ng kaparehong paraan ng pagpapatubo ng binhi na nasa manwal ng SNAP. Subalit, sa halip na gumamit lamang ng sapat na growing media upang punuin ang isang ikaapat hanggang isang ikatlong bahagdan ng seedling plug, ating pupunuin ang seedling plug ng growing media at ita-transfer ang malusog na binhi dito. Tapos ang mga seedling plug ay ihahanay ng dikit-dikit sa ibabang bahagi ng grow box.

Ibabang bahagi ng styrofoam box na may plastic lining na naka-tape.
Completed lower half of the grow box.

Aabot ng hanggang dalawampu’t walong (28) seedling plugs ang maaring itanim sa grow box na may batayang laki (20″⨉16″). Tapos, ang working solution ay idadagdag sa grow box. Sisipsip ang growing medium ng working solution at babasain ang kabuoan ng mga seedling plug. Patuloy na ibuhos ang working solution hanggang ang nibel nito ay nasa 2-3 cm ang taas.

Ang pagpuno ng seedling plugs ng growing media ay mag-i-insulate sa root system nang mas mahusay kumpara sa ugat lamang na nakatubog sa nutriyent solusyon. Ang seedling plugs na nakahanay gaya ng nabanggit ay masisilbing parang wick system hydroponics. Hahayaan nitong sumipsip ng working solution ang seedling plugs mula sa ibabang bahagi ng growbox na nagsisilbing lalagyan. Ang dikit-dikit na pagkakahanay ng seedling plugs ay lumilimita sa dami ng ilaw na aabot sa working solution na lalong magbabawas sa temperatura nito at pipigil sa pagdami ng lumot dito.

Ang pag-transpire ng halaman at ebaporasyon ay magpapababa ng nibel ng working solution at dapat itong regular na dagdagan. Pwedeng hayaang maubos ang working solution sa lalagyan at ang seedling plugs ay mananatiling basa. Subalit, huwag na huwag na hahayang matuyo ng medium sa loob ng seedling plugs. Salitang dagdagan ng tubig at working solusyon ang lalagyan. Ito ay dahil may mga nutriyents na naiiwan habang nagta-transpire ang halaman at ang tubig sa working solusyon ay nag-e-evaporate. Ang tuloy-tuloy na pagdagdag ng working solution ay magpapataas ng konsentrasyon ng nutriyent at maaring maging sanhi ng nutrient burn o nutrient imbalance.

Kapag mas malaki na ang mga halaman ng letsugas, limitahan ang seedling plugs sa labing-dalawa kada grow box. Mas mapapadali nito ang pagaasikaso sa kanila at magbibigay din ito ng mas maraming espasyo para sa kanilang paglaki. Ang mas malaking halaman ay mangangailangan ng mas maraming tubig at mangangailangan sa atin ng mas malimit na pagre-refill. Ang paglimita ng bilang ng seedling plugs kada kahon ay maglilimita rin ng water uptake. Limitado pa rin ang ilaw na aabot sa nutriyent solusyon dahil kahit mas layo-layo na ang mga halaman ng letsugas mas malago na ang mga dahon nito.

Ang mga letsugas sa bandang likuran ay mas maliit at mas dikit-dikit kumpara sa mga letsugas sa bandang harapan.
Mga letsugas na pinapalaki sa ganitong paraan.

Karagdagang Bilin

Ang paraang ito ay nangangailangan ng karagdagang pagsubok at ekperimentasyon dahil ang bawat grower ay may kanya-kanyang growing environment. Ang shading net ay malaki ang naitutulong sa mga buwan ng tag-init kung kailan ang matinding sikat ng araw ay maaring makasunog sa dahon ng letsugas. Ang pagpapalaki ng varayti letsugas na may laban sa init ay mariin din na minumungkahi.

Ayan! Kung merong mga katanungan huwag mag-atubiling mag-iwan ng koment sa baba. Muli good luck at happy growing!